Baļtinovā diktats latgalīšu volūdā

Baļtinovā diktats latgalīšu volūdā

Latvejas Radejas latgaliskajā raidejumā “Kolnasāta” 9.novembrī skanēja pasauļa diktats latgalīšu volūdā. Tys nūtyka jau trešū godu, sasadorbojūt latgalīšu kulturas ziņu portalam lakuga.lv i Latvejas Radejas Latgolas studejai. Ideja par tuo veiduošonu pīder portala lakuga.lv redaktorei Vinetai Vilcānei ar mierki aktualizēt latgalīšu volūdas lītuojumu i pīvērst sabīdreibas uzmaneibu raksteitprasmei latgaliski.
Bet pyrms tam 31.oktobrī divejuos Latgolas regiona školuos beja unikala īspieja šū diktatu raksteit kluotīnē. Vīna nu tom beja Baļtinovas vydsškola. Iz itū pasuokumu iz Baļtinovu atbrauce Vineta Vilcāne nu lakuga.lv, LR Latgolas studejas puorstuovi i muzikis, grupas “Baritoni” daleibnīks Mārtiņš Strods, kurs skaitēja latgalīšu diktatam izraudzeitū fragmentu nu Egitas Kancānes stuostu gruomotas “Syltuo mola”.
Baļtinovas vydsškolā latgalīšu diktata raksteituoju beja krītns pulks- na tikai jaunīši (leluokuo daļa- latgalīšu volūdas fakultativa daleibnīki), bet ari daži školuotuoji, Školas padūmes prīkšsādātuoja Velta Mītke, i pat Baļtinovas draudzes prāvests Stanislavs Prikuļs. Tys beja interesanti. Jauna pīredze i sovas prasmes puorbaude. Mārtiņam leidza beja gitara, i jis vysim par prīku pec diktata sadzīdova. Diktata daleibnīkus ari intervēja par latgalīšu volūdas lītuošonu i par raksteišonas pīredzi.
Paļdis diktata organizatorim! Varbyut i Tu cytu godu dūmoj puorbaudeit sovu prasmi raksteit latgaliski? Lai izadūd!


Imants Slišāns, Baļtinovas v-škola

Baļtinovā diktats latgalīšu volūdā 0Baļtinovā diktats latgalīšu volūdā 1Baļtinovā diktats latgalīšu volūdā 2Baļtinovā diktats latgalīšu volūdā 3Baļtinovā diktats latgalīšu volūdā 4Baļtinovā diktats latgalīšu volūdā 5Baļtinovā diktats latgalīšu volūdā 6Baļtinovā diktats latgalīšu volūdā 7