Tūp 2. raidejums cyklā “Sūpluok Latgolai”

Tūp 2. raidejums cyklā “Sūpluok Latgolai”


“Sūpluok Latgolai” – tys ir jauns desmit raidejumu cykls par Latgolys reģiona cylvākim, par aktualū i nūteikūšū taišņi ite i tagad, kū veidoj SIA “Latgales reģionālā televīzija”. Desmit raidejumu laikā tiks skateitys piļneigi sovā storpā nasaisteitys i atšķireigys temys suokūt ar arhitekturu i viesturi leidz pat lauksaimnīceibai, muzykai i jaunuokuom inovacejom.
Golvonuo raidiejuma ideja ir byut “sūpluok” jeb blokus/tyvuok gon raidejuma vorūņim, gon skateituojim. Ikreiz izvieļeitī temati tiks ruodāti nu divim skotupunktim. Raidiejuma volūda ir latgalīšu, tai saglobojūt i popularizejūt tū na tikai Latgolā, bet ari vysā Latvejā.
Itūšaļt, tūp 2. raidejumu cykla “Sūpluok Latgolai” raidejums, kura tema ir inovacejis i zynuotne. Tuo laikā gasteisim pi Latgolys Zooduorza saiminīka Mihaila Pupiņa, ar kuru kūpā meklēsim purva bruņurupučus pošā Boltkrīvejis pīrūbežā, kai ari Rēzeknes Tehnoloģeju akademejis puorstuovji stuosteis vaira par inžiņerzinuotnem i laboratorejom.
Ūtrū raidejumu cikla “Sūpluok Latgolai” raidejumu veritās jau 19. juņī kanalā RE:TV pl. 21:00 i kanalā TV24 20. junī pl. 15:30. Dīnu vāluok raidiejums byus atrūdams ari inteneta vītnē www.youtube.com, kai ari Latgolys reģionaluos televizejis sātys lopā www.lrtv.lv i www.facebook.com kontā.
Raidiejumi tūp konkursa “Par raidījumu veidošanu latviešu valodā 2018. gadā Latgales reģionālajos un vietējos plašsaziņas līdzekļos, kas raida televīzijas programmas” gaitā i tūs finansej Nacionaluo elektroniskūs plašsazinis leidzekļu padūme.


www.youtube.com/watch?v=NMYTpSl45uk


Ausma Sprukte
LRT žurnaliste, raidejuma “Sūpluok Latgolai” veiduotuoja